தாய்லாந்தின் புக்கெட் (Phuket) நகரில் இருந்து நாட்டின் தலைநகர் புது தில்லி நோக்கி வந்துகொண்டிருந்த ஏர் இந்தியா விமானம், நடுவானில் திடீரெனக் கடுமையான காற்றுக் கொந்தளிப்பில் (Turbulence) சிக்கி, சில விநாடிகளில் சுமார் 300 அடி தூரம் கீழே இறங்கியதால் விமானத்திற்குள் பெரும் பரபரப்பு ஏற்பட்டது.
புக்கெட்டில் இருந்து தில்லிக்கு புறப்பட்ட குறித்த போயிங் விமானம், நடுவானில் பறந்து கொண்டிருந்தபோது எதிர்பாராத விதமாக மோசமான வானிலை மற்றும் கடுமையான காற்றுக் கொந்தளிப்பில் சிக்கியது. இதில் விமானத்தின் கட்டுப்பாட்டில் திடீர் அதிர்வு ஏற்பட்டு, சில விநாடிகளிலேயே சுமார் 300 அடி தூரத்திற்கு சடசடவென கீழே சரிந்தது.
இந்த திடீர் சரிவினால் விமானத்திற்குள் இருந்த இருக்கை வார்ப்புகள் மற்றும் பொருட்கள் அசைந்து விழுந்ததில், பயணிகள் அனைவரும் செய்வதறியாது அதிர்ச்சியிலும் பீதியிலும் உறைந்தனர்.
இருப்பினும், விமானிகளின் திறமையான செயல்பாட்டினால் விமானம் உடனடியாக மீண்டும் கட்டுப்பாட்டுக்குள் கொண்டுவரப்பட்டது. அதனைத் தொடர்ந்து, எவ்வித அசம்பாவிதங்களும் இன்றி தில்லி இந்திரா காந்தி சர்வதேச விமான நிலையத்தில் விமானம் பாதுகாப்பாக தரையிறக்கப்பட்டது. இந்த சம்பவத்தில் பயணிகள் சிலருக்கு லேசான காயங்கள் ஏற்பட்டதாகத் தகவல்கள் தெரிவிக்கின்றன.
விமானத்தின் இந்த திடீர் சரிவு குறித்து வான்வழி போக்குவரத்து கட்டுப்பாட்டு வாரியம் விசாரணை நடத்தி வருகிறது.
