கல்முனை நூறானியா ஜும்மா பள்ளிவாசலின் கட்டிட மறுசீரமைப்பு மற்றும் அபிவிருத்தி வேலைத்திட்டங்களுக்காக, கல்முனை ரஹ்மத் பவுண்டேசன் (Rahmat Foundation) அமைப்பினால் மொத்தம் 2.5 மில்லியன் ரூபாய் நிதி ஒதுக்கீடு செய்யப்பட்டுள்ளது.
இறை இல்லத்தின் இந்த மூன்றாம் கட்ட அபிவிருத்திப் பணிகளைத் தொய்வின்றி முன்னெடுக்கும் நோக்கில், அதன் இரண்டாம் கட்ட நிதியான 1 மில்லியன் ரூபாய் பெறுமதியான காசோலை நேற்று (21ஆம் திகதி) உத்தியோகபூர்வமாக வழங்கி வைக்கப்பட்டது.
கல்முனையில் அமைந்துள்ள ரஹ்மத் பவுண்டேசனின் தலைமைக் காரியாலயத்தில் இந்நிகழ்வு நடைபெற்றது. ரஹ்மத் பவுண்டேசனின் ஸ்தாபகத் தலைவரும், ஸ்ரீலங்கா முஸ்லிம் காங்கிரஸ் கட்சியின் பொருளாளரும், கல்முனை மாநகர சபையின் முன்னாள் பிரதி மேயருமான ரஹ்மத் மன்சூர் அவர்களினால் இக்காசோலை பள்ளிவாசல் நம்பிக்கையாளர் சபையினரிடம் கையளிக்கப்பட்டது.
இந்நிகழ்வில் கல்முனை நூறானியா ஜும்மா பள்ளிவாசலின் தலைவர், பொதுச்செயலாளர், நிர்வாக சபை உறுப்பினர்கள் மற்றும் ஜமாஅத்தினர், ஊர் பொதுமக்கள் எனப் பலரும் கலந்துகொண்டனர்.
இறை இல்லத்தின் கட்டமைப்பு வசதிகளை மேம்படுத்துவதற்காக ரஹ்மத் பவுண்டேசன் மேற்கொண்டு வரும் இந்த உன்னத சமூகப் பங்களிப்பை இப்பிரதேச மக்கள் நன்றியுணர்வுடன் பாராட்டியுள்ளதுடன், இத்தகைய நற்பணிகள் சமூக ஒற்றுமையையும் ஆன்மீகப் பிணைப்பையும் மேலும் வலுப்படுத்தும் என்றும் குறிப்பிட்டனர்.
