July 24, 2026

பயங்கரவாதத் தடைச் சட்டத்தின் கீழ் கைது செய்யப்பட்டுள்ள முன்னாள் இராஜாங்க அமைச்சரும் தமிழ் மக்கள் விடுதலைப் புலிகள் (TMVP) கட்சியின் தலைவருமான ‘பிள்ளையான்’ என அழைக்கப்படும் சிவநேசதுரை சந்திரகாந்தனை எதிர்வரும் ஆகஸ்ட் மாதம் 04 ஆம் திகதி வரை தொடர்ந்து விளக்கமறியலில் வைக்குமாறு மட்டக்களப்பு நீதவான் நீதிமன்றம் இன்று (24) உத்தரவிட்டுள்ளது. மட்டக்களப்பு நீதவான் நீதிமன்றத்தில் இன்று விசாரணைக்கு எடுத்துக்கொள்ளப்பட்ட 05 வெவ்வேறு வழக்குகள் தொடர்பிலேயே இந்த விளக்கமறியல் நீடிப்பு உத்தரவு பிறப்பிக்கப்பட்டுள்ளது.

யாழ்ப்பாண மாவட்ட சுயேச்சை பாராளுமன்ற உறுப்பினர் இராமநாதன் அர்ச்சுனாவை கைது செய்யுமாறு கொழும்பு கோட்டை நீதவான் நீதிமன்றம் இன்று (24) பிடியாணை பிறப்பித்து உத்தரவிட்டுள்ளது. கோட்டை பொலிஸ் நிலைய உத்தியோகத்தர்களின் கடமைக்கு இடையூறு விளைவித்த சம்பவம் தொடர்பில், அவருக்கு எதிராக நீதிமன்றத்தில் வழக்கு ஒன்று நிலுவையில் உள்ளது. நீதிமன்ற அழைப்பாணையை மீறி ஆஜராகத் தவறினமையைக் கருத்திற்கொண்டு, கொழும்பு கோட்டை நீதவான் நீதிமன்றம் அவரைக் கைது செய்வதற்கான பிடியாணையை உடனடியாக பிறப்பித்துள்ளது.

மடவலைப் பகுதியில் அமைந்துள்ள விடுதியொன்றில் சட்டவிரோதமான முறையில் பெறப்பட்டதாக சந்தேகிக்கப்படும் 3 கிலோகிராமிற்கும் அதிகமான தங்கம் மற்றும் ரூ. 1 கோடியே 69 இலட்சம் ரொக்கப் பணத்துடன் இரு பெண்கள் உட்பட 10 சந்தேகநபர்கள் வத்தேகம பொலிஸாரால் கைது செய்யப்பட்டுள்ளனர். வத்தேகம பொலிஸ் நிலையத்திற்கு கிடைத்த இரகசியத் தகவலின் அடிப்படையில், கடந்த புதன்கிழமை (22) குறித்த விடுதியில் பொலிஸார் மேற்கொண்ட அதிரடிச் சோதனையின் போதே இவர்கள் கைது செய்யப்பட்டனர். கைதானவர்களில் 8 ஆண்களும் 2 பெண்களும் அடங்குவதுடன்,

மட்டக்களப்பு: மட்டக்களப்பு மாவட்டம் போரதீவுப்பற்று பிரதேச சபையின் 14வது சபை அமர்வு, சபையின் தவிசாளர் விமலநாதன் மதிமேனன் தலைமையில் சபா மண்டபத்தில் நடைபெற்றது. இக்கூட்டத்தில் உபதவிசாளர் தங்கராசா கயசீலன், பிரதேச சபையின் செயலாளர் சண்முகராஜா விஜிதராஜா, சபை உறுப்பினர்கள் மற்றும் பிரதேச சபையின் துறைசார் அதிகாரிகள் பலர் கலந்துகொண்டனர். 1. தேசிய மக்கள் சக்தி உறுப்பினர் 1 மாதத்திற்கு இடைநீக்கம்: பிரதேச சபையின் செயல்பாடுகள் மற்றும் நீதிமன்ற உத்தரவுகளை விமர்சித்துத் தொடர்ச்சியாக சமூக வலைத்தளத்தில் (Facebook) பதிவிட்டு

ஹபராணை – கந்தளாய் பிரதான வீதியின் கிதுல் உதுவா பகுதியில் காரும் மோட்டார்சைக்கிளும் மோதி இடம்பெற்ற பயங்கர விபத்தில் மோட்டார்சைக்கிள் முற்றாகத் தீப்பற்றி எரிந்து நாசமாகியுள்ளது. இவ்விபத்து தொடர்பான மேலதிக விசாரணைகளைக் கந்தளாய் பொலிஸார் மேற்கொண்டு வருகின்றனர்.

கொழும்பு: இலங்கையின் சில பகுதிகளில் இன்று (ஜூலை 24) மழை பெய்யக்கூடும் என வளிமண்டலவியல் திணைக்களம் கணித்துள்ளது.

மட்டக்களப்பு: மாற்றுத்திறனாளிகளைச் சமூகத்தில் புறக்கணிக்காமல் அவர்களுக்குச் சம அந்தஸ்தும் முன்னுரிமையும் வழங்கி, பொருளாதார சுயசார்பை உருவாக்கும் நோக்கில் மட்டக்களப்பில் விசேட தேவையுடையோருக்கான விசேட தொழில் சந்தை (Job Fair) நேற்று (ஜூலை 23, 2026) YMCA மண்டபத்தில் மிகச் சிறப்பாக நடைபெற்றது. மனிதவலு வேலைவாய்ப்புத் திணைக்களத்தின் கீழ் இயங்கும் மாவட்ட மனிதவள அபிவிருத்தி உத்தியோகத்தர்களும், சமூக சேவைத் திணைக்களமும் இணைந்து இந்த உன்னத முயற்சியை முன்னெடுத்தன. மாற்றுத்திறனாளிகளின் திறமை மற்றும் கல்வித் தகுதிக்கேற்பப் பொருத்தமான வேலைவாய்ப்புகளை வழங்க