சம்மாந்துறை சுகாதார வைத்திய அதிகாரி அலுவலகத்தின் புதிய சுகாதார வைத்திய அதிகாரியாக (MOH) டாக்டர் எம்.எம்.எம். சபீர் அவர்கள், (13) உத்தியோகபூர்வமாக தனது கடமைகளைப் பொறுப்பேற்றுக்கொண்டார்.
ஏற்கனவே சுமார் 4 வருடங்கள் இதே பிரிவில் சுகாதார வைத்திய அதிகாரியாகக் கடமையாற்றிய அனுபவம் கொண்ட டாக்டர் சபீர் அவர்களின் காலம், சம்மாந்துறை சுகாதாரத் துறையின் “பொற்காலம்” என ஊழியர்களால் வர்ணிக்கப்படுகிறது.
இவரது முன்னைய பதவிக்காலத்தின் போது:
- அவரது ஆளுமையான வழிகாட்டலால் சம்மாந்துறை சுகாதாரப் பிரிவு பல தேசிய மட்டத்திலான விருதுகளைக் குவித்து சாதனை படைத்தது.
- திறமையான நிர்வாகத்தின் மூலம் சுகாதார சேவைகள் மக்களிடம் முறையாகச் சென்றடைந்தன.
அந்தச் சாதனைகளை மீண்டும் தொடரும் ஒரு புதிய உத்வேகத்துடன், அவர் இன்று சுகாதாரத் துறை ஊழியர்களால் உற்சாகமாக வரவேற்கப்பட்டார்.
டாக்டர் (திருமதி) நிஸ்ரீன் ஸியாத் (AMOH) அவர்களின் தலைமையில் மிகவும் சிறப்பாக நடைபெற்ற இந்த வரவேற்பு மற்றும் கடமையேற்பு நிகழ்வில், அலுவலகத்தின் சகல உத்தியோகத்தர்களும் புதிய வைத்திய அதிகாரிக்கு அறிமுகம் செய்து வைக்கப்பட்டதுடன், சுமூகமான கலந்துரையாடல்களும் இடம்பெற்றன.
இந்நிகழ்வில் கௌரவ அதிதியாக ஓய்வுபெற்ற சிரேஷ்ட பொதுச் சுகாதாரப் பரிசோதகர் (PHI) CBM. ஹனீபா அவர்கள் கலந்து சிறப்பித்தார்.
சுகாதாரப் பிரிவின் ஊழியர்கள் மற்றும் பொதுமக்கள் மத்தியில், டாக்டர் சபீர் அவர்களின் மீள்வருகை பெரும் எதிர்பார்ப்பையும் மகிழ்ச்சியையும் ஏற்படுத்தியுள்ளது.
