வவுனியா – கனகராயன்குளம் பகுதி A9 பிரதான வீதியில் இன்று காலை இடம்பெற்ற கொடூர வாகன விபத்தில் சிக்கி இருவர் பரிதாபமாக உயிரிழந்துள்ளனர்.
சம்பவ இடத்தில் படுகாயமடைந்த இருவரும் வவுனியா மாவட்ட பொது வைத்தியசாலைக்குக் கொண்டு செல்லும் வழியிலும், வைத்தியசாலையில் அனுமதிக்கப்பட்ட பின்னரும் சிகிச்சை பலனின்றி உயிரிழந்துள்ளதாகத் தகவல்கள் தெரிவிக்கின்றன.
ஏ9 (A9) பிரதான வீதியில் அண்மைக்காலமாக வீதி விபத்துக்களும், அதனால் நிகழும் உயிர் இழப்புகளும் தொடர்ச்சியாக அதிகரித்து வருகின்றன. அதிவேகப் பயணம், சாரதிகளின் கவனக் குறைவு மற்றும் வீதிப் பாதுகாப்பு நடைமுறைகளைப் பின்பற்றாமை போன்ற காரணங்களால் இவ்வாறான அசம்பாவிதங்கள் தொடர்கின்றன.
இன்றைய விபத்துச் சம்பவமும் அப்பகுதி பொதுமக்கள் மற்றும் பயணிகளிடையே பெரும் அதிர்ச்சியையும் சோகத்தையும் ஏற்படுத்தியுள்ளது.
உயிரிழந்தவர்களின் சடலங்கள் உடற்கூற்றுப் பரிசோதனைகளுக்காக வவுனியா வைத்தியசாலையின் சவக்காலையில் வைக்கப்பட்டுள்ளன. விபத்துக்கான பின்னணி மற்றும் சாரதியின் அலட்சியப் போக்கு தொடர்பில் கனகராயன்குளம் பொலிஸார் மேலதிக விசாரணைகளை முடக்கிவிட்டுள்ளனர்.
