கொழும்பு: அவசர மருத்துவ உதவி தேவைப்படும் நோயாளிகளை விரைவாகச் சென்றடையும் நோக்கில், புதிய ‘மோட்டார் சைக்கிள் அவசர சிகிச்சை சேவை’ ஒன்றை (Motorbike First Responder Unit) அறிமுகப்படுத்த 1990 சுவசெரிய (Suwa Seriya) அறக்கட்டளை தீர்மானித்துள்ளது.
நவீன உள்கட்டமைப்பு மற்றும் அதிவேகச் சேவைகளுக்குப் பெயர் பெற்ற சுவசெரிய, நாட்டின் சுகாதாரப் போக்குவரத்துத் துறையில் மற்றொரு மைல்கல்லாக இந்தச் சேவையை ஆரம்பிக்கவுள்ளது.
- விரைவான முதலுதவி: போக்குவரத்து நெரிசல் அதிகமுள்ள நகர்ப்புறங்கள் மற்றும் குறுகிய வீதிகள் கொண்ட பகுதிகளில் நான்கு சக்கர ஆம்புலன்ஸ் வண்டிகள்ச் செல்வதில் ஏற்படும் தாமதத்தைத் தவிர்க்கவே இத்திட்டம் அறிமுகப்படுத்தப்படுகிறது.
- உயிர்காக்கும் முதலுதவி: பிரதான அம்புலன்ஸ் வண்டி சம்பவ இடத்திற்கு வருவதற்கு முன்பாகவே, நோயாளிக்குத் தேவையான அவசர முதலுதவிகள் (First Aid) மற்றும் அடிப்படை மருத்துவச் சிகிச்சைகளை வழங்கி அவர்களின் உயிரைக் காப்பதே இதன் பிரதான நோக்கமாகும்.
- பயிற்சி பெற்ற மருத்துவக் குழு: இதற்கென பிரத்யேகமாகப் பயிற்சி பெற்ற மருத்துவ அதிகாரிகள் ஈடுபடுத்தப்படவுள்ளதுடன், அவசர கால அடிப்படை மருந்துகள் மற்றும் நவீன மருத்துவ உபகரணங்கள் அடங்கிய மோட்டார் சைக்கிள்கள் அவர்களுக்கு வழங்கப்படும்.
இந்த புதிய சேவை முதற்கட்டமாக ஒரு முன்னோடித் திட்டமாக கொழும்பு உள்ளிட்ட பிரதான நகர்ப்புறங்களை மையமாகக் கொண்டு இந்த 2026ஆம் ஆண்டு இறுதிக்குள் உத்தியோகபூர்வமாகச் செயற்படுத்தப்படவுள்ளதாகச் சுவசெரிய அறக்கட்டளை அறிவித்துள்ளது.
