காத்தான்குடி: Mirage & Motion நிறுவனத்தின் 100% இயற்கை (Natural) ஆரோக்கிய மற்றும் அழகு சாதனப் பொருட்கள் அறிமுக நிகழ்வு அண்மையில் காத்தான்குடியில் மிகச் சிறப்பாக நடைபெற்றது.
நிறுவனத்தின் பணிப்பாளர் அஷ்ஷைக் அல்-ஹாபிள் A.K. சுஹைல் அகமத் (மஜீதி) அவர்களின் அழைப்பின் பேரில் இடம்பெற்ற இந்நிகழ்வில், பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் அவர்கள் பிரதம அதிதியாகக் கலந்துகொண்டு சிறப்பித்தார்.
முற்றிலும் இயற்கை மூலிகைகள் மற்றும் இயற்கை வளங்களை அடிப்படையாகக் கொண்டு தயாரிக்கப்படும் Mirage & Motion நிறுவனத்தின் தயாரிப்புகள், மக்களுக்குப் பாதுகாப்பான அழகு பராமரிப்பையும் ஆரோக்கியமான வாழ்க்கை முறையையும் வழங்கும் உயரிய நோக்கத்துடன் இங்கு அறிமுகப்படுத்தப்பட்டன.
இந்நிகழ்வில் நிறுவனத்தின் உயர்மட்ட நிர்வாகிகள், தொழில்துறை பிரதிநிதிகள், சமூகப் பிரமுகர்கள் மற்றும் பொதுமக்கள் எனப் பலரும் கலந்து சிறப்பித்தனர்.
