உலகளாவிய எரிசக்தி சந்தையில் இன்று (28) மசகு எண்ணெய் மற்றும் இயற்கை எரிவாயுவின் விலைகள் வீழ்ச்சியடைந்துள்ளன. சர்வதேச சந்தை நிலவரங்களின்படி, WTI ரக மசகு எண்ணெய் பீப்பாய் ஒன்றின் விலை 69.23 அமெரிக்க டொலராகவும், பிரெண்ட் (Brent) ரக மசகு எண்ணெய் பீப்பாய் ஒன்றின் விலை 71.99 அமெரிக்க டொலராகவும் பதிவாகியுள்ளது.
இவற்றுடன் இணைந்து இயற்கை எரிவாயுவின் விலையும் சரிவைச் சந்தித்து 3.279 அமெரிக்க டொலராகக் காணப்படுகிறது. உலகளாவிய எரிசக்தி தேவை மாற்றம் மற்றும் உற்பத்தி நிலவரங்களே இந்த ஏற்ற இறக்கங்களுக்குக் காரணம் என ஆய்வாளர்கள் தெரிவிக்கின்றனர். இந்த விலை வீழ்ச்சி நீடித்தால், உலகளவில் எரிபொருள் விலைகள் குறைந்து வாகன உரிமையாளர்களுக்கும் போக்குவரத்து துறையினருக்கும் சாதகமான சூழல் உருவாகும் என பொருளாதார நிபுணர்கள் எதிர்பார்க்கின்றனர்.
