வெளிநாடுகளில் பணிபுரியும் இலங்கையர்களிடமிருந்து நாட்டிற்கு கிடைக்கும் மாதாந்த பண வருவாய் கடந்த ஜூன் மாதத்தில் திடீர் சரிவைச் சந்தித்துள்ளதாக இலங்கை மத்திய வங்கி வெளியிட்டுள்ள புதிய புள்ளிவிவரங்கள் தெரிவிக்கின்றன.
மாதாந்த வருவாய் விபரம்: மத்திய வங்கியின் சமீபத்திய அறிக்கையின்படி, கடந்த 2026 மே மாதத்தில் 847 மில்லியன் அமெரிக்க டொலர்களாகப் பதிவாகியிருந்த வெளிநாட்டுப் பண அனுப்புதல்கள், ஜூன் மாதத்தில் 695 மில்லியன் அமெரிக்க டொலர்கள் வரை வீழ்ச்சியடைந்துள்ளது. இதன்படி, ஒரே மாதத்திற்குள் 152 மில்லியன் அமெரிக்க டொலர் வருமானக் குறைவு ஏற்பட்டுள்ளது.
ஆறு மாதகால ஒட்டுமொத்த வளர்ச்சி: இருப்பினும், இந்த வருடத்தின் ஒட்டுமொத்தப் போக்கைக் கவனிக்கும் போது நேர்மறையான வளர்ச்சியே பதிவாகியுள்ளது. 2026 ஜனவரி முதல் ஜூன் வரையிலான முதல் ஆறு மாத காலப்பகுதியில், புலம்பெயர் தொழிலாளர்களால் நாட்டிற்கு அனுப்பப்பட்ட மொத்தப் பணம் 4.6 பில்லியன் அமெரிக்க டொலர்களை எட்டியுள்ளது. இது கடந்த 2025ஆம் ஆண்டின் இதே காலப்பகுதியுடன் ஒப்பிடுகையில் 23.2 சதவீத பாரிய வளர்ச்சியாகும் என மத்திய வங்கி சுட்டிக்காட்டியுள்ளது.
