கைத்தொழில் மற்றும் தொழில்முனைவோர் மேம்பாட்டு அமைச்சின் வழிகாட்டுதலின் கீழ், மாவட்ட சிறு தொழில் மேம்பாட்டு பிரிவு ஏற்பாடு செய்த செயற்கை நுண்ணறிவு (AI) கருவிகளை நடைமுறையில் பயன்படுத்தும் பயிற்சி நிகழ்ச்சி, கைத்தொழில் மற்றும் தொழில்முனைவோர் மேம்பாட்டு அமைச்சர் அவர்களின் தலைமையில் நேற்று (02) நடைபெற்றது.
வணிக வளர்ச்சிக்காக AI கருவிகளை எவ்வாறு திறம்பட பயன்படுத்துவது என்பது குறித்து தொழில்முனைவோருக்கு நடைமுறை அறிவை வழங்குவதே இந்த நிகழ்ச்சியின் முக்கிய நோக்கமாகும்.
பயிற்சியில் விளக்கப்பட்ட முக்கிய விடயங்கள்:
வணிக விளம்பர நடவடிக்கைகளில் AI பயன்பாடு
சந்தைப்படுத்தல் (Marketing) நடவடிக்கைகளை மேம்படுத்தும் முறைகள்,செலவினங்களைக் குறைத்து இலாபத்தை அதிகரிக்கும் மூலோபாயங்கள்
நிகழ்வில் உரையாற்றிய அமைச்சர் சுனில் ஹந்துன்நெத்தி அவர்கள், கிராமப்புறங்களில் நஞ்சில்லாமல் விளைவிக்கப்படும் காய்கறி மற்றும் பழங்களை இயற்கை முறையில் பொதியிட்டு கொழும்பு போன்ற நகரங்களுக்கு சந்தைப்படுத்த தொழில்முனைவோர் முன்வந்தால், அதற்கு மிகப்பெரிய சந்தை வாய்ப்பு இருப்பதாக தெரிவித்தார்.
மேலும், ஒவ்வொரு தொழில்முனைவோரும் தங்கள் வணிகத்திற்கு நல்ல வர்த்தகப் பெயரை (Brand Name) உருவாக்குவது மிகவும் முக்கியமானது என்றும், எந்த தொழில்முனைவோரும் தங்கள் தொழிலை கைவிடாமல் தொடர்ந்து முன்னேற வேண்டும் என்றும் வலியுறுத்தினார். தொழில்முனைவோர் எதிர்நோக்கும் சவால்கள் குறித்தும் கலந்துரையாடல் நடைபெற்றது.
இந்தப் பயிற்சியில் சிறு தொழில் மேம்பாட்டு பிரிவின் மாவட்ட மற்றும் பிராந்திய அபிவிருத்தி அதிகாரிகள் மற்றும் 80 தொழில்முனைவோர் பங்கேற்றனர்.
