நிதி ஆணைக்குழுவின் புதிய தலைவராக திருமதி நூர் றிசானா அனீஸ் ஜனாதிபதி அநுர குமார திசாநாயக்கவினால் நியமிக்கப்பட்டுள்ளார்.
இதற்கான நியமனக் கடிதத்தை ஜனாதிபதியின் செயலாளர் கலாநிதி நந்திக சனத் குமாநாயக்க, ஜனாதிபதி அலுவலகத்தில் வைத்து அவரிடம் உத்தியோகபூர்வமாக வழங்கினார்.
- அனுபவம்: காலியைப் பிறப்பிடமாகக் கொண்ட இவர், இலங்கை திட்டமிடல் சேவையைச் சேர்ந்தவர். நிதி அமைச்சின் பல்வேறு உயர் பதவிகளில் கடமையாற்றியதுடன், 31 ஆண்டுகள் அரச சேவையில் பணியாற்றி ஓய்வுபெற்ற அனுபவம் கொண்டவர்.
- புதிய உறுப்பினர்கள்: மட்டக்களப்பு மாவட்ட முன்னாள் அரசாங்க அதிபர் கே. கருணாகரன் மற்றும் திருமதி ஜே. எம். சி. ஜே. விஜேதுங்க ஆகியோரும் நிதி ஆணைக்குழுவின் புதிய உறுப்பினர்களாக நியமிக்கப்பட்டுள்ளனர்.
நிதி ஆணைக்குழுவின் முன்னாள் உறுப்பினர்களின் பதவிக் காலம் நிறைவடைந்ததைத் தொடர்ந்து ஏற்பட்ட வெற்றிடங்களுக்கே இப் புதிய நியமனங்கள் வழங்கப்பட்டுள்ளன.
