கண்ணகிகிராமம்:
சுற்றுச்சூழல் தூய்மையைப் பேணிப் பாதுகாக்கும் நோக்கில் நாடு தழுவிய ரீதியில் முன்னெடுக்கப்பட்டு வரும் ‘கிளீன் ஸ்ரீலங்கா’ (Clean Sri Lanka) வேலைத்திட்டத்தின் கீழ், கண்ணகிகிராமம் பகுதியில் விசேட சிரமதானப் பணியொன்று வெற்றிகரமாக முன்னெடுக்கப்பட்டது.
இச்சிரமதான நிகழ்வில் பிரதேச பொதுமக்கள், சமூக ஆர்வலர்கள் மற்றும் அரச உத்தியோகத்தர்கள் எனப் பலரும் ஒன்றிணைந்து, பொது இடங்கள், வீதியோரங்கள் மற்றும் கழிவுநீர் வடிகான்களைச் சுத்தப்படுத்தும் நடவடிக்கைகளில் தீவிரமாக ஈடுபட்டனர்.
சுற்றாடலைத் தூய்மையாக வைப்பதுடன், டெங்கு உள்ளிட்ட தொற்றுநோய்கள் பரவாமல் தடுக்கும் நோக்கிலும், பொதுமக்களிடையே சுற்றுச்சூழல் விழிப்புணர்வை ஏற்படுத்தும் வகையிலும் இந்த சிரமதானப் பணி அமைந்திருந்தது.
பொதுமக்களின் பங்களிப்புடன் இடம்பெற்ற இந்நிகழ்வு பிரதேசவாசிகளின் பெரும் வரவேற்பைப் பெற்றுள்ளமை குறிப்பிடத்தக்கது.
