பாதாள உலகக் குழுத் தலைவர் கணேமுல்ல சஞ்சீவவைக் கொலை செய்வதற்குத் திட்டமிட்ட மற்றும் அதற்கு உடந்தையாக இருந்த குற்றச்சாட்டில், ‘கம்பஹா ஒஸ்மண்ட்’ என அழைக்கப்படும் ஒஸ்மண்ட் குணசேகர பொலிஸாரால் கைது செய்யப்பட்டுள்ளார்.
கம்பஹா பகுதியில் மேற்கொள்ளப்பட்ட விசேட சுற்றிவளைப்பின் போது சந்தேகநபர் கைது செய்யப்பட்டார். இதன்போது அவரிடமிருந்து அதிநவீன ஆயுதங்கள் சிலவற்றை பொலிஸார் கைப்பற்றியுள்ளனர்:
- வெளிநாட்டில் தயாரிக்கப்பட்ட ரிப்பீட்டர் (Repeater) ரக துப்பாக்கி – 01
- துப்பாக்கி ரவைகள் அடங்கிய மெகசின்கள் (Magazines) – 02
- தோட்டாக்கள் – 10
கைது செய்யப்பட்ட ஒஸ்மண்ட் குணசேகர, திட்டமிட்ட குற்றச்செயல்களில் ஈடுபடும் பாதாள உலகக் குழுக்களுடன் நெருங்கிய தொடர்புகளைப் பேணி வந்துள்ளமை ஆரம்பகட்ட விசாரணைகளில் தெரியவந்துள்ளது. கணேமுல்ல சஞ்சீவவைக் இலக்கு வைத்து தாக்குதல் நடத்த மேற்கொள்ளப்பட்ட சதித்திட்டம் குறித்து பொலிஸார் தீவிர விசாரணைகளை முன்னெடுத்து வருகின்றனர்.
சந்தேகநபர் மேலதிக சட்ட நடவடிக்கைகளுக்காக நீதிமன்றத்தில் ஆஜர்ப்படுத்தப்படவுள்ளதுடன், மேலதிக விசாரணைகளை கம்பஹா பொலிஸார் மேற்கொண்டு வருகின்றனர்.
