மட்டக்களப்பு, அம்பிளாந்துறை ஶ்ரீ ஞான சக்தி சித்தி விநாயகர் ஆலய வருடாந்த திருச்சடங்கை முன்னிட்டு, நாவலர் கலைக் கழகத்தின் ஏற்பாட்டில் நடத்தப்பட்ட முத்தமிழ் நிகழ்வு கடந்த வெள்ளிக்கிழமை (26.06.2026) அன்று வெகு சிறப்பாக நடைபெற்றது.
இந்நிகழ்வில் சிறப்பு விருந்தினர்களாக இலங்கைத் தமிழ் அரசுக் கட்சியின் மட்டக்களப்பு மாவட்ட நாடாளுமன்ற உறுப்பினர்களான வைத்தியர் இளையதம்பி சிறிநாத் மற்றும் ஞானமுத்து ஶ்ரீநேசன் ஆகியோர் கலந்துகொண்டு சிறப்பித்தனர்.
கலை நிகழ்வுகளும் கௌரவிப்பும்
முத்தமிழ் விழாவை முன்னிட்டு பாரம்பரிய கலை, கலாசார நிகழ்வுகள் அரங்கேற்றப்பட்டதுடன், சமூக மற்றும் கலைத்துறை சார்ந்த பிரமுகர்களைக் கௌரவிக்கும் நிகழ்வுகளும் இதன்போது இடம்பெற்றன.
நிகழ்வைத் தொடர்ந்து, நாடாளுமன்ற உறுப்பினர்கள் இருவரும் ஶ்ரீ ஞான சக்தி சித்தி விநாயகர் ஆலயத்திற்குச் சென்று விசேட இறை வழிபாடுகளில் ஈடுபட்டனர். அதனைத் தொடர்ந்து, அங்கு கூடியிருந்த பொதுமக்களை நேரில் சந்தித்து கலந்துரையாடினர்.
அடியார்கள் பங்கேற்பு
ஆன்மீகமும் தமிழும் இணைந்த இந்நிகழ்வில் ஆலய நிர்வாகப் பொறுப்பாளர்கள், நாவலர் கலைக் கழகத்தின் முக்கிய உறுப்பினர்கள், சமூக மட்டப் பிரதிநிதிகள், சமூக ஆர்வலர்கள் மற்றும் பெருந்திரளான பக்தர்கள், பொதுமக்கள் எனப் பலரும் கலந்துகொண்டு சிறப்பித்தனர்.
