அம்பாறை மாவட்டம், ஒலுவில் இலாஹியா பாலர் பாடசாலையின் வருடாந்த மணல் வீட்டுக் கொண்டாட்டம் (Sand House Celebration 2026) நேற்றைய தினம் (05-06-2026) வெள்ளிக்கிழமை மாலை ஒலுவில் கலங்கரை விளக்க (Light House) கடற்கரையில் மிக விமரிசையாக நடைபெற்றது.
இவ்விழாவில் பாலர் பாடசாலைச் சிறார்கள் ஒன்றிணைந்து, கடற்கரை மணலில் தங்களது அழகிய கற்பனைத் திறன்களைப் பயன்படுத்திப் பல்வேறு வடிவங்களிலான மணல் வீடுகளையும் கோட்டைகளையும் வடிவமைத்து மகிழ்ந்தனர்.
இயற்கையான சூழலில் சிறார்களின் படைப்பாற்றலை ஊக்குவிக்கும் வகையிலும், அவர்களின் கூட்டுப்பணியை மேம்படுத்தும் வகையிலும் ஏற்பாடு செய்யப்பட்டிருந்த இந்த நிகழ்வில், சிறார்கள் தங்களது மழலைச் சந்தோஷங்களுடன் மறக்க முடியாத இனிய நினைவுகளை உருவாக்கிக் கொண்டனர். இந்நிகழ்வில் பாலர் பாடசாலை ஆசிரியர்கள், பெற்றோர்கள் மற்றும் நலன்புரிச் சங்க உறுப்பினர்கள் எனப் பலரும் கலந்துகொண்டு சிறார்களை உற்சாகப்படுத்தியமை குறிப்பிடத்தக்கதாகும்.
