September 26, 2026

யாழ்ப்பாணம்: யாழ். நீர்வேலி பகுதியில் அன்னதானத்திற்காக வழங்க ஏற்பாடு செய்யப்பட்டிருந்த 424 கிலோகிராம் எடையுள்ள வாழைக்குலைகளுக்கு, செயற்கையாக பழுக்க வைப்பதற்காக அபாயகரமான ரசாயன மருந்தை தெளித்து விற்பனை செய்ய முயன்ற நபருக்கு 6 மாத சிறைத்தண்டனையும் 5,000 ரூபாய் அபராதமும் விதித்து நீதிமன்றம் தீர்ப்பளித்துள்ளது. நீர்வேலிப் பகுதியில் பெருமளவு வாழைக்குலைகளுக்கு ரசாயனம் தெளிக்கப்பட்டு விற்பனைக்கு தயார் செய்யப்படுவதாக கிடைத்த இரகசிய தகவலின் அடிப்படையில், பொதுச் சுகாதார பரிசோதகர்கள் (PHI) திடீர் சோதனையை மேற்கொண்டனர். இதன்போது, மனித உடலுக்கு

பொலன்னறுவை தேசிய சிறுநீரக சிறப்பு வைத்தியசாலையின் சமையலறையில் இன்று (26) அதிகாலை 4:30 மணியளவில் திடீரென சமையல் எரிவாயு சிலிண்டர் வெடித்துச் சிதறியதில் வைத்தியசாலை ஊழியர்கள் 7 பேர் படுகாயமடைந்துள்ளனர். சம்பவத்தின் போது சமையலறைப் பகுதியில் கடமையில் ஈடுபட்டிருந்த ஊழியர்களே இவ்வாறு காயங்களுக்கு உள்ளாகியுள்ளனர். காயமடைந்தவர்கள் உடனடியாக மீட்கப்பட்டு, மேலதிக சிகிச்சைக்காக பொலன்னறுவை பொது வைத்தியசாலையில் அனுமதிக்கப்பட்டுள்ளனர். இந்த சக்திவாய்ந்த வெடிப்புச் சம்பவம் காரணமாக வைத்தியசாலையின் சமையலறை மற்றும் கட்டிடப் பகுதிக்கு கடுமையான சேதங்கள் ஏற்பட்டுள்ளதாகத் தெரிவிக்கப்படுகிறது.

சம்மாந்துறை மற்றும் அதன் சுற்றியுள்ள கிராமப்புற மக்களின் நீண்ட நாள் அவசர தேவையை பூர்த்தி செய்யும் வகையில், பொதுமக்களின் பங்களிப்புடன் கொள்வனவு செய்யப்பட்ட புதிய ஜனாஸா வாகனம் (25) பாவனைக்கு கையளிக்கப்பட்டது. பொதுமக்கள், உள்ளூர் அமைப்புகள் மற்றும் சம்மாந்துறை நம்பிக்கையாளர் சபை ஆகியோரின் கூட்டு முயற்சியினாலும், நிதிப் பங்களிப்பினாலும் இச்சேவை சாத்தியமாக்கப்பட்டுள்ளது. சம்மாந்துறை பத்ர் ஹிஜ்ரா ஜும்மா பள்ளிவாசலில் நடைபெற்ற சிறப்பு நிகழ்வில், பிரார்த்தனைகளுடன் ஜனாஸா வாகனத்தின் வெள்ளோட்டம் உத்தியோகபூர்வமாக தொடங்கி வைக்கப்பட்டதோடு, பொதுமக்கள் பயன்பாட்டிற்கும் ஒப்படைக்கப்பட்டது.

திருகோணமலை மாவட்ட பாராளுமன்ற உறுப்பினர் இம்ரான் மஹரூப், அவர்களின் அனுசரணையுடனும் ஒருங்கிணைப்புடனும் ஜப்பான் தூதரகத்தில் இடம்பெற்ற ஆக்கபூர்வமான கலந்துரையாடலைத் தொடர்ந்து, தி/இறக்கக்கண்டி அல் ஹம்ரா பாடசாலைக்கு ஜப்பான் தூதரக அதிகாரிகள் 22 செப்டெம்பர் 2026 அன்று கள விஜயம் மேற்கொண்டனர். இதன்போது, தூதரக அதிகாரிகள் பாடசாலை வளாகத்தை பார்வையிட்டதுடன், வகுப்பறைகளின் தற்போதைய நிலைமை, உட்கட்டமைப்பு வசதிகள் மற்றும்  இம்ரான் மஹரூப் MP  இனால் முன்வைக்கப்பட்டுள்ள தேவைகள் தொடர்பிலும் நேரடியாக அவதானித்து அறிந்து கொண்டனர். இவ்விஜயத்தில்  இம்ரான் மஹரூப்,