May 9, 2026

மட்டக்களப்பு, உறுகாமம் பகுதியில் இன்று இரவு புகுந்த காட்டுயானை ஒன்று குடியிருப்பின் மீது தாக்குதல் நடத்தியுள்ளது.உள்ளே உறங்கிக்கொண்டிருந்த குடும்பத்தினர் மயிரிழையில் உயிர் தப்பியுள்ளனர். வீட்டில் இருந்த உணவுப் பொருட்கள் மற்றும் பெறுமதியான தளபாடங்களை யானை சேதப்படுத்தியுள்ளது. தொடர்ச்சியான யானை ஊடுருவலால் அப்பகுதி மக்கள் அச்சத்தில் ஆழ்ந்துள்ளனர்.

புத்தளம் – மதுரங்குளி பகுதியில் இன்று இடம்பெற்ற கோர விபத்தில் கொள்கலன் லொறி ஒன்று கட்டுப்பாட்டை இழந்து வீதியோரத்திலிருந்த பேருந்து தரிப்பிடத்துடன் மோதி விபத்துக்குள்ளாகியுள்ளது. விபத்தில் படுகாயமடைந்த சாரதி புத்தளம் வைத்தியசாலையில் அனுமதிக்கப்பட்டுள்ளார். சம்பவம் தொடர்பில் மதுரங்குளி பொலிஸார் விசாரணைகளை முன்னெடுத்து வருகின்றனர்.

நாட்டில் பெய்து வரும் கடும் மழை காரணமாக மூன்று பிரதான நீர்த்தேக்கங்களின் வான் கதவுகள் இன்று (09) காலை அவசரமாகத் திறக்கப்பட்டுள்ளன. இதன் காரணமாக தெதுறு ஓயா, கிரிந்தி ஓயா மற்றும் கலா ஓயா ஆகிய ஆறுகளைப் பயன்படுத்தும் மக்கள் மிக அவதானமாக இருக்குமாறு நீர்ப்பாசனத் திணைக்களம் சிவப்பு எச்சரிக்கை விடுத்துள்ளது.

யாழ். போதனா வைத்தியசாலையில் பாரிய தீ விபத்து: பல மில்லியன் மதிப்பிலான மருந்துகள் நாசம் யாழ்ப்பாணம்:யாழ்ப்பாணம் போதனா வைத்தியசாலையின் பிரதான மருந்து களஞ்சியசாலையில் இன்று (மே 9, சனிக்கிழமை) அதிகாலை ஏற்பட்ட திடீர் தீ விபத்தினால் பல மில்லியன் ரூபாய் பெறுமதியான மருந்துப் பொருட்கள் முற்றாக எரிந்து நாசமாகியுள்ளன. சம்பவத்தின் விவரம்:அதிகாலை வேளையில் மருந்து களஞ்சியப் பகுதியில் இருந்து கரும்புகை வெளியேறியதை அடுத்து, தீ வேகமாகப் பரவியது. மருந்துகள் மற்றும் இலகுவில் தீப்பற்றக்கூடிய இரசாயனப் பொருட்கள் களஞ்சியப்படுத்தப்பட்டிருந்ததால்,

பாறுக் ஷிஹான் பொலிஸ் உத்தியோகத்தரின் உறவினரான ஐஸ் போதைப்பொருளுடன் கைதான இளைஞனிடம் கல்முனை தலைமையக பொலிஸார் விசாரணைகளை மேற்கொண்டு வருகின்றனர். அம்பாறை மாவட்டம் கல்முனை தலைமையக பொலிஸ் பிரிவிற்குட்பட்ட பெரிய ஜும்மா பள்ளிவாசல் அருகில் இன்று (8) மதியம் மேற்கொள்ளப்பட்ட திடீர் சுற்றி வளைப்பின் போது குறித்த இளைஞன் சந்தேகத்தின் அடிப்படையில் கைதானார். 28 வயது மதிக்கத்தக்க சந்தேக நபரான இளைஞனிடம் இருந்து 25 கிராம் 280 மில்லி கிராம் ஐஸ் போதைப்பொருள் மீட்கப்பட்டுள்ளது. மேலும் குறித்த